» Historikk

HD Maskin har si historie heilt attende til 50-talet. Då starta Halvor Draugedal vegarbeid med bulldoser og traktor med borutstyr. Eivind Haugo fekk arbeid hjå svogeren sin Halvor i 1960, 15 år gamal, og har sidan vore i firmaet. Den 3. juni 1975 vart firmaet omdanna til aksjeselskap der Ingebjørg og Halvor Draugedal og Eivind Haugo dela aksjeane likt mellom seg. Det var tunge år på slutten av 80-talet og byrjinga på 90- talet. Firmaet hadde tapa pengar på fleire store prosjekt, men greidde seg "igjennom stormen".

Årsskiftet 94-95 kaupte Eivind Haugo, Tarjei Haugo Torgersen, Karl Martin Draugedal og Tarjei Draugedal maskinparken etter Halvor Draugedal AS. Dei danna då firmaet Haugo Draugedal Maskin AS med like store andelar kvar. Seinare same året tok dei og over det gamle selskapet Halvor Draugedal AS, og dela aksjeane likt mellom seg. Dette grunna den opparbeidde tilliten og kontrakter Halvor Draugedal AS hadde med vegvesenet.

I 2005 var det 30 års jubileum for Halvor Draugedal AS samt 10 års jubileum for nye eigerar. Me tok no steget fullt ut og tok attende navnet me nytta i 1995 då me tok over, men no med ein & i mellom navna. Dette følte me var naturleg då firmaet ikkje hadde noko med Halvor Draugedal som person å gjera lenger.

Me vonar at framtida vert like innhaldsrik som fortida.